''लातूर एस. टी. वर्कशॉप''.... रात्री १.३० वाजता अशी हाक ऐकून त्या एस. टी. तले पाच जण खडबडून जागे झाले आणि मग त्यांची बॅगा उतरावयाची एकच तारांबळ उडाली. सात तास प्रवास करुन पुढच्या दोन तासाच्या प्रवासाची उर्जा मिळविण्यासाठी लातूरच्या सौ. आशा भिसे यांच्याकडे ते मुक्कामाला उतरले आणि तेथूनच सकाळी ते मराठवाडयाचे ग्रामीण जीवन जगण्याच्या एका मनस्वी ध्येयाकडे रवाना झाले.
अभिसरण मोहीमेच्या औरंगाबाद येथील कार्यक्रमात कोकणातल्या विविध जिल्हयातून आलेल्या तरुणांचे गट तयार करण्यात आले. त्यात माझ्यासह असलेल्या पाच जणांच्या गटाला लातूर जिल्हा आणि त्यातील उदगीर, औसा, रेणापूर आदि तालुके मिळाले व आमची मोहीम सुरु झाली.